Хитойда Путиннинг мақоласини чоп этиш тақиқланди

Хитойда Путиннинг мақоласини чоп этиш тақиқланди

Хитой ҳудудида Россия Президенти Владимир Путин томонидан ёзилган "Буюк Ғалабанинг 75 йиллиги: Тарих ва келажак учун жавобгарлик" мақоласининг таржимасини чоп этиш тақиқланди.

"Медуза" WebSitePulse хизматига таяниб хабар беришича, материаль 20 июнь куни "Спутник" веб-сайтининг хитойча версиясида эълон қилинган, аммо у ерда бир кун ҳам турмаган.

Таъкидланишича, ушбу қарорнинг сабаблари "Спутник" матбуот хизматида ҳам, "Россия Сегодня"да ҳам айтилмаган. Шу билан бирга, экспертларнинг фикрига кўра, ХХР давлат медиаси ва «МИА Россия Сегодня» ўртасидаги стратегик шериклик тўғрисидаги келишувга қарамай, Хитой Россия сиёсатини илгари суришдан бош тортмоқда.

Жоржия давлат университетининг глобал алоқалар профессори Мария Репникованинг таъкидлашича, кўп соҳаларда Россия Хитойга кўпроқ боғлиқ, шунинг учун тенг шериклик ҳақида гапиришнинг ҳожати йўқ.

Эслатиб ўтамиз, Путин ўз мақоласида Молотов-Риббентроп пактини оқлайди ва Гитлернинг ҳужумида Польша раҳбариятини айблайди. Ушбу материал Европа парламентининг Сталинизм, нацизм ва бошқа тоталитар режимларни қораловчи резолюциясига жавоб бўлди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!