Хитой яна коронавирус маълумотларини яширганликда айбланмоқда. Нега?
Хитой Халқ Республикаси коронавируснинг биринчи тарқалишидан кейин касалликнинг тарқалиши ва юқтирганлар сони тўғрисида маълумотларни яширмади, дея хабар беради Хитой Ташқи ишлар вазирлиги вакили Хуа Чуньин.
Аввалроқ, Блумберг манбаларга таяниб, Хитой ушбу касаллик ҳақида зарарларни камайтириб кўрсатганини айтди. Оқ уй хитойликларнинг вирусни юқтирганлар сони бўйича маълумотлари қанчалик тўғри эканлигини тасдиқлай олмади.
Хуа Чуньиннинг сўзларига кўра, Хитой юқтирганлар ҳақидаги маълумотларни яширмайди. Унинг таъкидлашича, январ ойида мамлакат дунё ҳамжамиятига COVID-19ни тарқатиш тўғрисида хабар берган.
"Халқаро эпидемиологик вазиятни баҳолашга келсак, бу борада ваколат ёлғон тарқатаётган сиёсатчиларга эмас, балки ЖССТ ва эпидемиологларга тегишли", деди Чуньин.
