Хитой ва Япония ташқи ишлар вазирлари учрашуви бекор қилинди
Пекин Хитой ва Япония ташқи ишлар вазирларининг Пномпен шаҳрида ўтказилиши мўлжалланган икки томонлама учрашувини “катта еттилик” давлатлари ва Европа Иттифоқининг Тайвань бўйича қўшма баёноти туфайли бекор қилди. Бу ҳақда Хитой ТИВ расмий вакили Хуа Чуньин маълум қилди.
“Хитой ва Япония учрашуви энди режада йўқ, чунки Токио “катта еттилик” ва Европа Иттифоқидаги ҳамкорлари билан Пекинни асоссиз танқид қилиб, баёнот тарқатди. Ушбу жараёнда фактлар бузиб кўрсатилган. Қолаверса, АҚШнинг Хитой суверенитетини бузгани оқланган. Хитой халқи бундан жуда норози”, деди вакил.
“Катта еттилик” давлатлари чоршанба куни Хитойнинг сўнгги ҳаракатидан, хусусан, Тайвань атрофидаги сувда ўқ отилган ҳарбий машғулот уюштирганидан хавотир билдирди. Таъкидланишича, бундай ҳаракат вазият кескинлашувига олиб келиши мумкин.
