Хитой ва Непал трансҳимолай темир йўлини қурмоқчи
Хитой ҳукумати Хитой-Непал трансҳимолай темир йўли қурилиши лойиҳасининг техник-иқтисодий асосларини тайёрлашда Непалга ёрдам бермоқчи эканини тасдиқлади. Бу ҳақда Хитой ташқи ишлар вазирлигининг расмий вакили Ван Вэньбинь брифингда маълум қилгани айтилмоқда.
«Казинформ» агентлигининг ёзишича, «Хитой ушбу масалани ўрганиш ва Непалга ёрдам бериш учун бир йил ичида ушбу тоғли юртга экспертларини жўнатади», – деган дипломат.
10 август куни Шаньдун провинциясининг Циндао шаҳрида Хитой ва Непал ташқи ишлар идораси раҳбарларининг учрашуви бўлиб ўтган.
Маҳаллий оммавий ахборот воситаларининг хабар беришича, дастлабки ҳисоб-китобларга қараганда, Хитой-Непал йўлида кўприклар ва туннеллар йўналиш лойиҳаси 90 фоиздан ошади, шу боис бир километр йўлнинг қурилиш харажати тахминан 200 миллион юанга баҳоланмоқда.
Хабарда айтилишича, темирйўл магистралининг трансчегаравий участкаси узунлиги камида 200 километр чиқади.
