Хитой Суданнинг қарийб 50 миллион долларлик ташқи қарзини кечиб юборди

Порт-Судан шаҳрида имзоланган протоколга мувофиқ, Хитой Суданга берилган тўртта фоизсиз кредитни бекор қилди.

Бундан ташқари, Пекин энергетика, сув таъминоти ва қишлоқ хўжалиги соҳаларини қўллаб-қувватлаш учун 200 миллион юань миқдорида грант ажратишини маълум қилди.

Шунингдек, маблағлар давлат хизматчиларини тайёрлаш ва Хитой компаниялари, жумладан CNPC инвестицияларини қайта тиклашга ҳам йўналтирилади.