Хитой олимлари чўчқа гриппининг пандемия келтириб чиқара оладиган штаммини аниқлашди

Хитой олимлари чўчқа гриппининг пандемия келтириб чиқара оладиган штаммини аниқлашди

Мақола муаллифларининг таъкидлашича, чўчқаларга пандемия келтириб чиқарувчи грипп вируслари генерациялашуви жараёнининг вақтинчалик макони сифатида қараш керак. Шу боис грипп вирусини тизимли кузатиб бориш келгусида юз берадиган пандемиядан огоҳ этиш ва унга қарши тайёргарлик кўриш учун жуда муҳимдир.

 

Тадқиқотчилар 2011 йилдан 2018 йилгача Хитойнинг ўнта вилоятида чўчқа гриппи вирусини кузатувга олишди. Шу вақт мобайнида олимлар чўчқа гриппини келтириб чиқарувчи 179 та вирусни ажратиб олдилар.

 

Уларнинг орасида яқинда пайдо бўлган ўзида H1N1 генларини ташиб юрувчи грипп штамми ҳам бор экан. Ушбу вирус 2009 йилда пандемияни келтириб чиқарган эди. G4 EA H1N1 номини олган ушбу штамм 2016 йилда чўчқаларда кенг тарқалган эди.

 

Бундан ташқари, серологик тадқиқотлар шуни кўрсатдики, чўчқа фермасида ишлайдиганларнинг 10,4 фоизида, ушбу штаммга қарши антитела мавжуд бўлган. Антитела кўпроқ 18 ёшдан 35 ёшгача бўлган ишчиларда аниқланган.

 

«Бундай инфективлик ушбу вируснинг инсон танасига мослашиш имкониятини сезиларли равишда оширади ва пандемия келтириб чиқарувчи вирусга айланиш эҳтимолини келтириб чиқаради», — деб хулоса чиқаради олимлар.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!