Хитой Навоийда завод қуради. У ерда коронавирусга қарши воситалар ишлаб чиқарилади

Хитой Навоийда завод қуради. У ерда коронавирусга қарши воситалар ишлаб чиқарилади

Жорий йилнинг 23 июнь куни инновацион ривожланиш вазири Иброҳим Абдураҳмонов Хитой Фанлар Академияси Синьцзян Физика ва кимё техника институти вакиллари билан музокаралар ўтказди.

Учрашув давомида Навоий вилоятида доривор моддаларни синтез қилиш заводини ташкил этиш лойиҳасини амалга ошириш бўйича фикр алмашилди.
Эслатиб ўтамиз, Навоий вилоятида доривор моддаларни синтез қилиш заводини ташкил этиш бўйича Хитой Фанлар Академияси ва Ўзбекистон Республикаси Фанлар Академияси ўртасида келишув мавжуд бўлиб, унга асосан Хитой томони 10 млн. АҚШ доллари миқдорида сармоя киритиши ва завод йўлга қўйилгач, йилига 36,3 млн. АҚШ долларига тенг бўлган дори воситалари учун табиий ва кимёвий моддалар, шу жумладан коронавирусга қарши воситалар ишлаб чиқариш режалаштирилган.

Ҳозирда корхонани тегишли идораларда рўйхатдан ўтказиш ва эркин иқтисодий ҳудудга аъзолик масалалари бўйича ҳужжатлар ишлаб чиқилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!