Хитой: "АҚШ Россияни заифлаштириш учун Украина урушини чўзмоқчи"
Хитойлик халқаро алоқалар бўйича эксперт ва Хитой Ижтимоий фанлар академияси тадқиқотчиси Лью Сзян AҚШ Конгресси Вакиллар палатаси спикери Ненси Пелосининг Киевга келиши ва Украина президенти Владимир Зеленский билан учрашгани сабабини айтди. Унинг сўзларини Global Times келтирган.
Лью Сянга кўра, бу ташриф Қўшма Штатлар Россияни заифлаштириш учун Украина бўйича можарони узайтириш ниятида эканидан далолат беради. У Россия мудофаа вазири Сергей Шойгунинг Вашингтон ва Ғарб давлатлари “Киев режимини сўнгги украиналиккача курашишга қўзғатишга” бор кучини сарфлаётгани ҳақидаги сўзларини эслади.
Пелосининг сафари ва Конгресснинг қурол ва ўқ-дориларни ўз ичига олган мисли кўрилмаган 33 миллиард долларлик ҳарбий ёрдамни кўриб чиқиши вазиятни кескинлаштириши мумкин, дейди эксперт.
“AҚШ Пелосининг ташрифи AҚШнинг Украинани қўллаб-қувватлашини кўрсатишига умид қилмоқда. Вашингтон Москвани заифлаштириш учун ўз кучларини Украина инқирозининг узоқ давом этишига тортди”, деди Лью Сян.
