Хитой Афғонистонга озиқ-овқат маҳсулотлари ва вакциналарни етказиб беради

Хитой Афғонистонга умумий қиймати 200 миллион юан (тахминан 30,9 миллион доллар) бўлган озиқ -овқат, қишки маҳсулотлар, вакциналар ва дори-дармонларни зудлик билан етказиб беришга қарор қилди, бу ҳақда Хитой ташқи ишлар вазири Ван И маълум қилди.
"Афғон халқининг эҳтиёжларидан келиб чиқиб, Хитой зудлик билан умумий қиймати 200 миллион юанга озиқ -овқат, қишки маҳсулотлар, вакцина ва дори -дармонлар етказиб беришга қарор қилди", - деди Хитой ташқи ишлар вазири.
Унинг сўзларига кўра, мамлакатда хавфсизлик шароитлари яратилгандан сўнг, Хитой Афғонистонга одамларнинг турмуш шароитини яхшилашга қаратилган лойиҳаларни амалга оширишда ёрдам беришга, Афғонистонни тинч йўл билан қайта қуриш ва иқтисодий тараққиётини қўллаб-қувватлашга тайёр.
Ван И Афғонистон билан қўшни давлатлар ташқи ишлар вазирларининг йиғилишида иштирок этди.