Хитой Абу-Даби яқинида яширинча ҳарбий иншоот қурган - Америка разведкаси

Хитой БАА пойтахти Абу-Даби яқинида яширинча ҳарбий иншоот қурганлигига Америка разведкаси амин бўлган, деб ёзмоқда WSJ манбаларга таяниб.

Тахминан бир йил олдин АҚШ расмийлари Абу-Даби яқинидаги Халифа портида "Хитойнинг шубҳали фаолияти" ҳақида разведка олишни бошлаган.

Нашр манбаларининг таъкидлашича, жорий йилнинг баҳорида сунъий йўлдошдан олинган маҳфий суратлар Америка расмийларига Хитой портда ҳарбий объект қурмоқда деган хулосага келишга имкон берган. Шундан сўнг Америка БААни бу қурилишни тўхтатишга кўндирган.