Хавфсизлик хизмати Telegram орқали ИШИД учун пул йиққан жиноий гуруҳни қўлга олди
Россия Федерал хавфсизлик хизмати ходимлари томонидан Томск областида “Ислом давлати” террорчилик ташкилотининг Суриядаги жангарилари учун Telegram мессенжеридаги ёпиқ мулоқот гуруҳи(чат) орқали пул йиққан бир гуруҳ шахсларни қўлга олди.
“Томск области ҳудудида Ислом давлати халқаро террорчилик ташкилоти учун пул йиққан ва мазкур ташкилот манфаатлари йўлида молиявий хизматлар кўрсатишга алоқадор бўлган бир гуруҳ шахслар ушланди” – дейилади РИА Новости хабарда.
Маълум бўлишича, қўлга олинганлар Telegram`даги ёпиқ чатларга Суриядаги ИШИД жангарилари учун маблағ ўтказиш мақсадида банк карталари ва тўлов сервислари реквизитларини жойлаштириб келган.
Тергов қўмитаси мазкур ҳолат юзасидан жиноий иш қўзғатилганини маълум қилди. Жиноятчилар қўлга олиниб, уларга айблов эълон қилинган.
Xs.uz
