Хатолик сабаб ўлаётган аёлни кесерча кесиб кўришди. Афсуски, у ҳомиладор эмас экан

Буюк Британияда шифокорлар автоҳалокатда олган жароҳати туфайли ўлим ёқасида турган аёлни кесерча усулда кесиб кўришди, аммо, не кўз билан кўришсинки, аёл ҳомиладор эмас экан.

Буюк Британиялик Адель Барбур Линкольн шаҳридан унча узоқ бўлмаган автомагистралда ЙТҲга учрайди. 48 ёшли аёл ўзига яқинлашиб келаётган автомобилни кўрмаган ҳолда ўнгга бурилишни бошлаган эди. Натижада, фалокат билан тугаган йўл транспорт ҳодисаси қурбонига айланди.

Ҳалокат гувоҳларидан бири фельдшер Никола Вейр навбатчиликни алмашаётган эди. У Барбурга ёрдам кўрсатди, аёл эса фақат бели оғриётганидан шикоят қилар эди. У ўзининг ҳомиладор эканини айтмади. Қалин курткада бўлгани учун мен ҳам уни ҳомиладор деб ўйламадим , дейди гувоҳ. Уни бошқа бир автомобилдаги йўловчиларга ёрдам кўрсатиш учун жўнатишади. Қутқарувчилар Барберни автомобилдан тушираётган пайтларидагина аёлни юрак ҳуружи тута бошлади.

Ҳодиса жойидаги тиббит ходимлари аёлнинг шишиб турган қорнига қараб, унда ҳомиладорликнинг сўнгги ойлари кечаётганини гумон қилишди ва зудлик билан шифохонага жўнатишди. Аёлни шифохонада дарҳол кесерча усулда кесиб, чақалоқни сақлаб қолиш ҳаракати бошланди. Аммо, жарроҳлик амалиёти охирига етганидагина шифокорлар аёлнинг ҳомиладор эмаслигини тушуниб қолишди. Қаппайиб турган қорин эса аслида Барбур 1975 йилда ўтказган умуртқа поғонаси жарроҳлигидан қолган бўлиб чиқди. Аёл жарроҳлик столида жон берди, патологоанатомлар унинг вафотига аортанинг ёрилиб кетиши сабаб бўлганини қайд этди.

lenta.ru