Халқнинг очликдан қийналиб ўлишига президент айбдорми?

Халқнинг очликдан қийналиб ўлишига президент айбдорми?

Ливия миллий тотувлик ҳукуматига боғлиқ қўмондон Муҳаммад Халил Исо айни пайт мамлакатда инсонлар ўлаётганига Франция президенти Эммануэл Макрон айбдор эканини айтди. Бу ҳақда “Евроньюс” хабар бермоқда.

Халифа Ҳафтар етакчилигидаги Ливия миллий армияси пойтахт Триполини қўлга киритиш учун жангларни давом эттирмоқда. Куни кеча Франция президенти Эммауниэл Макрон Парижда Халифа Ҳафтарни қабул қилди. У икки ҳафта аввал Ливия миллий тотувлик ҳукумати раҳбари Фаиз Сараж билан ҳам учрашган эди.

“Бу ерда ким ўлаётган бўлса, бунинг сабабчиси – Франция. Халқини эмас, Франция раҳбариятини, Ҳафтарни қўллаб-қувватлаётган Макронни айблаяпман”, – деди қўмондон Исо.  

Франция Европа Иттифоқининг бошқа мамлакатлари сингари Ливия миллий тотувлик ҳукуматини қўллашини айтиб келади. Аммо қўмондон Исо бунинг аксини иддао қилди.

“Уч араб давлати: Миср, Саудия Арабистони ва БАА Ҳафтарни қўллаб-қувватлаяпти, бироқ энг катта шайтон – Макрон. У Ҳафтарга ҳам сиёсий, ҳам ҳарбий томонлама ёрдам беряпти”, – деди у.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!