Washington Post: АҚШ каттароқ урушнинг олдини олиш учун Украина билан разведка маълумотларини алмашишни чеклайди

Washington Post: АҚШ каттароқ урушнинг олдини олиш учун Украина билан разведка маълумотларини алмашишни чеклайди

Вашингтон Украинага миллиардлаб долларлик қурол-яроғ жўнатмоқда ва бу етказиб беришларни оммавий равишда рўйхатга киритмоқда. Аммо АҚШ Украинанинг жанг майдонидаги муваффақиятига яна бир муҳим ҳисса қўшганини тасвирлашда анча эҳтиёткор: Россия ҳарбийлари ҳақидаги разведка маълумотлари борасида.

АҚШ ва Украина расмийларининг анонимлик шарти билан нашрга айтишича, Россия қўшинларининг жойлашуви ва ҳаракати ҳақидаги маълумотлар реал вақт режимида Украинага келиб тушмоқда.

Вашингтон ва Москва ўртасидаги зиддиятнинг кучайишига йўл қўймаслик учун АҚШ маъмурияти разведка маълумотларини алмашиш бўйича йўриқнома ишлаб чиқди, унда АҚШ Украина билан бўлишиши мумкин бўлган маълумотлар турларига иккита кенг қамровли тақиқни белгилади.

Биринчидан, Қўшма Штатлар Россия қўмондонлиги вакилларини ўлдиришга ёрдам берадиган батафсил маълумот бера олмайди. Бу туркумга, хусусан, Қуролли кучлар Бош штаб бошлиғи Валерий Герасимов ва мудофаа вазири Сергей Шойгу киради.

Иккинчидан, Украинага Украина чегараларидан ташқарида Россия нишонларига ҳужум қилишда ёрдам берадиган ҳар қандай маълумотларга тегишли, деди манбалар. Бу қоида қисман Қўшма Штатларнинг Украина Россия ҳудудида бошлаши мумкин бўлган ҳужумлар иштирокчиси бўлишининг олдини олишга қаратилган.

Бундан ташқари, Вашингтон Украинага расмийлар "мақсадли маълумот" деб атайдиган нарсаларни тақдим этишни тақиқловчи қоидага амал қилади. Масалан, расмийларга кўра, АҚШ Украина кучларига маълум бир россиялик генералнинг маълум бир жойда аниқланганини айтмайди, Украинага унга зарба беришда ёрдам бермайди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (3 )

    Фарход
    Курук гапку сузида турмайди улар
    Shuhrat
    Бериб булдингку, сукалар. Бир нечта генерали улди русларни.
    Owen
    Zòr ruslar òlaversin