Владимир Зеленский Туркиядаги ресторанда овқат пиширди

Украинанинг сайланган президенти Владимир Зеленский Туркиянинг жануби-ғарбий қисмида жойлашган Бодрум курортида оиласи билан дам олмоқда, деб хабар берди Daryo.uz.

Қайд этилишича, сиёсатчи Гювержинлик кварталидаги беш юлдузли меҳмонхоналардан бирида тўхтаган.

Куни кеча Зеленский оиласи билан бирга Бодрумдаги ресторанлардан бирида овқатланган. У кунини хурсандчиликда ўтказган, ресторан ходимлари билан ҳазиллашган ва ҳатто вақтинча ошпазнинг ўрнига ўтиб, грилда гўшт пиширган. Ресторанга фақатгина Anadolu агентлиги сураткаши киритилган , дейилади хабарда.

Янги сайланган президент жойлашган меҳмонхона ҳудуди ва у ташриф буюрадиган объектларда махсус хавфсизлик чоралари кўрилган.