Видеооператор чиройли кадр олиш учун профессионал спортчилардан тезроқ югурди

Reddit порталида кроссфит бўйича мусобақаларда видеооператорнинг ўз ишини астойдил бажараётгани видеоси хитга айланди. Гап шундаки, видеооператор чиройли кадр олиш илинжида профессионал спортчилардан тезроқ югурган. Бундай қобилиятлар билан мақтанмасликнинг иложи йўқ, лекин бунда бир кичик “нюанс” бор.

2007 йилдан бошлаб “жисмонан кучли ва бардошли кишини” аниқлаш бўйича кроссфит бўйича мусобақалар ўтказиб келинади. Роликда ушбу мусобақаларнинг оператор Марстон Сойерс томонидан олинган 2016 йилдаги босқичларидан бири – 256 метрга югуриш лавҳалари келтирилган. Эътиборлиси, видеода оператор профессионал спортчилардан тезроқ югураётганини кўриш мумкин. 

Гап нимада дерсиз? Агар мусобақада олинган бошқа бир видео кўздан кечирилса, унда оператор мусобақа иштирокчиларидан аввалроқ югура бошлаганини кўриш мумкин. Яъни унда устунлик бўлган.

Бироқ бу “нюанс” мусобақани ёритган шарҳловчиларни чаққон операторни мақташ фикридан қайтармаган. Чунки оператор аввалроқ югура бошлаганига қарамай, унга югуришида кўплаб деталлар, мисол учун қўлидаги оғир камера мураккаблик туғдирган. 

“Унутманг, унинг бир қўлида камида 9 килограмм бор”, деб айтган фойдаланувчилардан бири.

“Нима бўлишидан қатъий назар, унинг иши таҳсинга сазовор. У бир қўли банд ҳолда, олдинга қарамай ва камера билан барибир тезроқ югурган”, деб таъкидлаб ўтган яна бир фойдаланувчи. 

Manba: kun.uz