Видео: Санкт-Петербургдаги ёнғинда ўзбекистонлик ҳалок бўлди

Видео: Санкт-Петербургдаги ёнғинда ўзбекистонлик ҳалок бўлди

Бугун, 15 сентябрь куни Россиянинг Санкт-Петербург шаҳридаги омборхоналардан бирида чиққан ёнғинда Ўзбекистон фуқароси ҳалок бўлди.
 
Ёнғин тахминан соат 00:40 да Россиянинг Санкт-Петербург шаҳрининг Невский туманида 40 квадрат метр майдондаги техникалар сақланадиган омборхонада чиққан. Воқеа Глухоозерск йўлида содир бўлган.
 
Темир билан қопланган иморат бутунлай ёниб кетган. Ёнғин тунги соат 3:30 бартараф этилган.
 
Воқеа жойида 35 ёшли Ўзбекистон фуқаросининг жасади топилган. Яна тўрт нафар: 22, 23, 30 ва 41 ёшдаги ўзбекистонликлар қутқариб қолинган ва шифохонага ётқизилган. Уларнинг нафас олиш аъзолари жиддий шикастланган. Ҳозирда уларнинг аҳволи оғир.
 
Ёнғинни бартараф қилиш учун ФВВнинг шахсий таркибидан 30 нафар одам ва 6 та махсус техника жалб қилинган. Тергов қўмитасининг Санкт-Петербург бўйича бўлими мазкур ҳолат бўйича текширув бошлаган

Manba: qalampir.com

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!