Видео: Навоийда ёнилғи қуйиш шохобчаси портлади

Ижтимоий тармоқларда ёнилғи қуйиш шохобчасида юз берган портлаш тасвирланган видео тарқалди.

Qalampir.uzга маълум бўлишича, бахтсиз воқеа бугун, 27 декабрь куни Навоий вилоятида юз берган. Аниқроғи вилоятнинг Навоий шаҳри ва Қизилтепа тумани йўлида соат тахминан 9:00 ва 10:00 атрофида содир бўлган.

Видеода таъкидланишича, шохобчада Nexia, Damas русумли автомобиллар бўлган. Ёнғин сабаби ҳозирча номаълум. Видеода одамлар ёнғинни ўчиришга ҳаракат қилаётганда портлаш содир бўлганини кўриш мумкин.

Бу воқеа ҳақида ҳозирча расмий маълумот берилмади.