Венгрия ўтин экспортини тақиқлади
Венгрияда аввалроқ мамлакатдан ўтин олиб чиқишга эълон қилинган тақиқ кучга киради, деди республика қишлоқ хўжалиги вазири Иштван Надь. “Мамлакатдан ўтин олиб чиқиш тақиқланади.
Украинадаги уруш ва Брюссель санкциялари оқибатида юзага келган энергетика инқирози муносабати билан ҳукумат энергия ресурслари, жумладан, ўтин экспортини тақиқлайди. Ҳукумат ўтинни хорижга экспорт қилишни назорат қилади”, – деб ёзди Нади ижтимоий тармоқларда.
Аввалроқ “яшил” ташкилотлар ва мухолиф партиялар ҳукуматнинг дарахт кесишни кўпайтириш ташаббусини танқид қилиб, бу атроф-муҳитга салбий таъсир кўрсатишидан хавфсираган эди. Венгрия ҳукумати энергетика соҳасида фавқулодда ҳолат эълон қилган эди. У еттита чора-тадбирлар тўпламини ўз ичига олади.
Венгрия Бош вазири Виктор Орбан мамлакатда иложи борича, хусусан, мактабларда газ иситишни алмаштириш учун "печка ва қозон" дастури ишлаб чиқилаётганини айтди. Орбаннинг айтишича, ўрмон хўжалиги корхоналарига кўпроқ ўтин йиғиш ҳам топширилган.
Украинадаги вазият туфайли Ғарб Россияга нисбатан санкциялар босимини кучайтирди, бу эса Европа ва АҚШда электр энергияси, ёқилғи ва озиқ-овқат нархларининг ошишига олиб келди.
