Венгрия ташқи ишлар вазири: Будапешт Росатом ва Газпромга қарши мумкин бўлган санкцияларни қўллаб-қувватламайди

Венгрия ҳеч қачон Ғарб давлатларининг Россиянинг Росатом ва Газпром энергетика компанияларининг санкциялар рўйхатига киритилишига розилик бермайди. Бу ҳақда Венгрия ташқи ишлар вазирлиги раҳбари Петер Сийярто маълум қилди.

"Мен бу масала бўйича чин дилдан гапира оламан, биз Росатом ёки Газпромнинг санкциялар рўйхатига киритилишига ҳеч қачон рози бўлмаймиз", деди венгриялик дипломат РИА Новостига.

Сийярто, Венгрия ҳеч қандай Россия энергетика компаниясига нисбатан мумкин бўлган санкция қўлланилишига ҳеч қачон розилик бермаслигини таъкидлади.

“Агар Росатом чекловлар остида бўлса, бизнинг лойиҳамиз (Пакс АЭС қурилиши) ёпилади. Биз буни хоҳлаймизми? Йўқ. Шундай экан, бундай ташаббус кўтарилса, розилик берамизми? Йўқ, - деди у.