Венгрия Европа Иттифоқининг Украинага ёрдам беришига тўсқинлик қилмаган

Венгрия ташқи ишлар вазири Петер Сийяртонинг изоҳ беришича, мамлакат Украинага Европа Иттифоқидан молиявий ёрдам кўрсатишга тўсқинлик қилмаган, аммо Киевга Европа Иттифоқининг қўшма кредити орқали эмас, балки икки томонлама асосда ёрдам бериш тарафдори.

“Украинани қўллаб-қувватлаш давом этмоқда ва мен сиздан Европа Иттифоқига Украинага ёрдам кўрсатишга рухсат бермаганимиз ҳақидаги хабарни тарқатмасликни сўрайман”, — деди вазир журналистларга, “ТАСС” унинг сўзларидан иқтибос келтирган ҳолда.

Венгрия Европа Иттифоқининг қўшма имтиёзли кредити кўринишидаги 18 миллиард евролик қутқарув пакетига эътироз билдирмоқда, деди у.