Венесуэлада икки америкаликнинг ҳар бири 20 йиллик қамоқ жазосига ҳукм қилинди

Венесуэла суди икки америкаликни мамлакатга бостириб кириш ва ҳокимиятни тўнтаришига уриниш учун 20 йиллик қамоқ жазосига ҳукм қилди.

Бу ҳақда бош прокурор Тарек Уильям Сааб хабар берди.

“Люк Денман ва Айран Берри прокурорлар томонидан оғир жиноятларда айбланди. Бугун улар [жиноятлар] жавобгарликни ўз зиммаларига олишди”, - дея таъкидлаган прокурор твиттердаги саҳифасида ва бошқа судланувчиларга қарши суд муҳокамалари ҳали якунланмаганлигини қўшимча қилган ҳолда.

Май ойи бошида Венесуэла расмийлари колумбиялик жангариларнинг Ла-Гуайра штатига денгиз орқали бостириб киришининг олдини олганликларини айтишди. Бу ҳолатда саккиз ҳужумчи ўлдирилди. Ҳужумда иштирок этгани учун жами 34 киши ҳибсга олинди. Қўлга олинганлар орасида икки америкалик - Люк Денман ва Айран Берри ҳам бор эди. Ўз жиноятларини тан олган икки америкаликни Мадуро АҚШ президентининг шахсий қўриқчилари деб атади ва босқинчиликнинг мақсади ўзини ўлдириш бўлганини маълум қилди.

АҚШ президенти Дональд Трамп эса ўз навбатида, Вашингтоннинг Венесуэлада ҳибсга олинган одамлар гуруҳи билан ҳеч қандай алоқаси йўқлигини ва агар бу режалаштирилган бўлса, Қўшма Штатлар ушбу мамлакатга қарши операция қилиш ҳақиқатини яширмаслигини таъкидлади.

Богота ҳам расмий равишда Венесуэлага бостириб киришга тайёргарлик кўришда иштирок этганлигини рад этди.