Венесуэлада бензинга навбат бошланди

Венесуэлада бензинга навбат бошланди

Аҳоли бунда ҳукуматни айблаяпти. Чунки нефтга бой мамлакат ҳозирда Эрондан бензин келишини кутяпти.

Венесуэладаги нефтни қайта ишлаш саноати ускуналар эскиргани ва таъмирталаб бўлиб қолгани учун тўхтаб қолган. Айни пайтда АҚШ санкциялари ёнилғи импортини сезиларли даражада камайтирди.

Ҳукумат вакилларининг айтишича, танкерлар йўлга тушган ва учта танкер август ойида Венесуэлага қараб йўлга чиққан. Улар Америка кузатув тизимини айланиб ўтиш учун узоқ йўл босишига тўғри келади.

Ҳайдовчилар навбатда соатлаб туришга тўғри келишини айтмоқда. Ҳар бир одамга 30 литрдан кўп бензин сотиш мумкин эмас.

Бир кунда Венесуэлада 50-70 минг баррель бензин сарфланади. Аммо бу билан шуғулланувчи компания кунига 30 минг баррель бензин етказиб бермоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!