Вазият жиддий: Трамп тарафдорлари бутун АҚШ бўйлаб қуролли ҳужум уюштирмоқчи

Вазият жиддий: Трамп тарафдорлари бутун АҚШ бўйлаб қуролли ҳужум уюштирмоқчи

Федерал қидирув бюроси AҚШ ҳуқуқни муҳофаза қилиш органлари ходимларини якшанба куни мамлакат бўйлаб бўлиб ўтиши кутилаётган ўта ўнг экстремистларнинг қуролли норозилик намойишлари ҳақида огоҳлантирди, деб хабар берди ББC.

Капитолийни қўлга олишдан бир ҳафта олдин тузилган ҳужжатга кўра, 16 дан 20 январгача радикаллар нафақат Вашингтондаги Капитолийга, балки бошқа штатлар марказларидаги маъмурий биноларга ҳам ҳужум қилиши ва у ерда нотинчлик ва тартибсизликларни келтириб чиқариши мумкин.

Маълум қилинишича, ўта ўнг гуруҳ ушбу ҳаракатларни ташкил қилмоқда. Гуруҳ вакиллари расмийлар билан очиқ тўқнашувнинг муқаррарлигига ишонади ва улар воқеаларни тезлаштириш ва ҳукуматга қарши қуролли қаршиликни бошлаш тарафдори. Гуруҳ бу фуқаролар урушига айланиб кетади, деб ҳисоблайди. Гуруҳ аъзолари 20 январь куни бўлиб ўтадиган сайлов ғолиби Жо Байденнинг инаугурацияси арафасида маъмурий бинолар ва судларга бостириб киришга чақирмоқдалар.

AБC мухбири Aарон Катерский твиттерда Федерал қидирув бюроси 16 январь куни Вашингтонга боришни ният қилган қуролли гуруҳ ҳақида маълумот олганини айтди. Улар Конгресс Конституцияга 25-тузатиш орқали президентни лавозимидан четлаштирмоқчи бўлса, катта қўзғолон бошланиши ҳақида огоҳлантирди.

AҚШ Конгресси Вакиллар Палатасидаги Демократик фракция Вакиллар Палатасига президент Дональд Трампни ваколат муддати тугамасдан ҳокимиятдан четлатишга қаратилган иккита қарорни тақдим этди.

Биринчи резолюцияда демократлар вице-президент Майк Пэнсни конституцияга киритилган 25-тузатишни фаоллаштиришга ва ҳукуматни Трампдан муддатидан олдин олиб қўйиш тўғрисида овоз беришга чақирмоқда.

Иккинчи резолюция импичмент жараёни билан Трампни ҳокимиятдан четлатиш ҳақида. Иккала қарорда ҳам Трамп исён қўзғаганликда айбланмоқда.

CNN телеканалининг хабар беришича, Миллий гвардия бюроси раҳбари Дэниел Хокансон Байденнинг инаугурациясига қадар ва ундан кейин хавфсизликни таъминлаш учун 15 минг киши ажратилганлигини айтди.

Телеканал маълумотларига кўра, Пентагон илгари 16 январга қадар Вашингтонда яна 10 мингта миллий гвардия жойлаштирмоқчи. Капитолийдаги воқеалардан сўнг, Aмерика пойтахтига аллақачон 6,2 минг миллий гвардия хизматчилари жойлаштирилган.

Aйни пайтда, Вашингтон мери Байденнинг инаугурацияси куни шаҳарга ташриф буюрмасликни тавсия қилди. Унинг сўзларига кўра, маросимда онлайн равишда қатнашиш мақсадга мувофиқ. 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!