Вазирлар Маҳкамасининг юридик таъминлаш тартибига ўзгартириш киритилди

Вазирлар Маҳкамасининг юридик таъминлаш тартибига ўзгартириш киритилди

Маълум бўлишича, ҳужжат Президентнинг «Вазирлар Маҳкамаси фаолиятини такомиллаштиришга оид қўшимча чора-тадбирлар тўғрисида»ги қарори ижросини таъминлаш мақсадида қабул қилинган.

Қайд этилишича, низомда Юридик таъминлаш бошқармаси функциялари қонун ҳужжатлари ижросини самарали ташкил қилиш ҳамда ижро интизомини мустаҳкамлаш бўйича чоралар кўришда иштирок этиш билан тўлдирилган. Бунда Юридик таъминлаш бошқармаси Адлия вазирлиги билан биргаликда ҳуқуқни муҳофаза қилувчи ва ижро этувчи органлар томонидан ҳужжатлар ва топшириқлар ижроси бўйича маълумотларни таҳлил қилади ва белгиланган тартибда ҳукуматга киритилишини таъминлайди.

Шунингдек, бошқарманинг норматив-ҳуқуқий ҳужжатларни тайёрлаш соҳасидаги функцияларининг янги таҳрири келтирилган. Хусусан, бошқарма:

норматив-ҳуқуқий ҳужжатлар лойиҳаларнинг ва қабул қилинган норматив ҳужжатларнинг тартибга солиш таъсирини баҳолашни амалга оширади;
қабул қилинган норматив ҳужжатларни тартибга солиш таъсирини баҳолашдан ўтказиш режаси ишлаб чиқилиши, жамоатчилик муҳокамасидан ўтказилиши ва тасдиқланишини ташкиллаштиради;
ҳуқуқни қўллаш амалиёти ва илғор хорижий тажрибадан келиб чиққан ҳолда норматив-ҳуқуқий ҳужжатларни тайёрлашнинг барча босқичларида тартибга солиш таъсирини баҳолаш тизимини янада такомиллаштириш бўйича асослантирилган таклифлар тайёрлайди ва бошқалар.
Аввалроқ Вазирлар Маҳкамаси фаолиятига қатор ўзгартиришлар киритилгани маълум қилинган. Шунингдек, Ўзбекистонда амалдаги Меҳнат кодексига ўзгартириш киритилиши хабар қилинган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!