Ван И: Пелосининг ташрифи эҳтиёткорлик билан уюштирилган ҳодиса

Хитой ташқи ишлар вазири Ван И АҚШ Конгресси Вакиллар палатаси спикери Ненси Пелосининг Тайванга ташрифи “тасодифий эмас”лиги, балки “эҳтиёткорлик билан уюштирилган кулгили ҳодиса бўлгани”ни, айтиб ўтди.

Бу ҳақда ТИВ эълон қилган баёнотда келтирилади.

“Қўшма Штатларнинг Тайвань муаммоси бўйича провокацион ҳаракати тасодиф эмас, балки пухта тайёрланган режа эди. Воқеанинг хиёнаткор ва хунук хусусияти бутун дунёга ошкор бўлди”, дейилади ҳужжатда.

Ван И, шунингдек, “АҚШнинг Тайванга нисбатан “ушлаб туриш” режаси муваффақият қозонмайди, Тайваннинг ўз ватани билан бирлашиш тарихий тенденцияси ўзгармайди”, дея таъкидлаган.