Ўзига ўт қўйган сурхондарёлик эркак халқдан кечирим сўради. Нега? (видео)
Бир оз аввал ижтимоий тармоқлар ва телеграм каналлари орқали ўзини Термиз тумани ҳокимият биносида ёқиб юборган Сурхондарёлик эркакнинг президент Шавкат Мирзиёевга қилган видеомурожаати тарқалганди. Бу ҳақда сайтимиз орқали ҳам хабар берган эдик.
Бугун 3 март куни Сурхондарё вилояти ҳокимлигининг фейсбукдаги саҳифасида яна бир видеоролик жойлаштирилиб, ундаги мурожаат ижтимоий тармоқ фойдаланувчиларининг навбатдаги муҳокама мавзуига айланмоқда.
Видеороликда ўзига ўт қўйган сурхондарёлик эркак қуйидаги сўзларни айтади:
Ассалому алайкум ҳурматли президентим ва халқим! Мен қийналганимдан шундай ишларни қилдим. Лекин мен қонун доирасини яхши тушунмаган эканман. Прокуратура билан ҳокимимизга бирон марта учрашмадим. Ҳозир ҳоким ёнида прокурор билан учрашиб, ишимиз 15 дақиқада ҳал бўлди. Раҳмат буларга. Мен тушунмай шундай иш қилиб қўйдим, ўзимни айбдор биламан. Мени кечирингизлар...
Бу қийналганимдан тўғри Тожикистонга бориб ишлаб, қарздор бўлдим. Қарзим кўплигидан шу ишларга қўл урдим. Мен давлатимдан, фуқароларимиздан кечирим сўрайман. Худога шукр, ҳоким бобомиз 15 минутга қолмай ишларимизни ҳал қилиб берди, раҳмат дейди фуқаро Э.Б.
Видеомурожаатда шунчаки фуқаронинг ўзини кўриб, ундан муаммосини ҳал этилганлигини эшитиш мумкин. Бироқ, унинг сўзлаётгандаги кайфияти унинг муаммоси ҳал этилгандек кўтаринки руҳда эмас. Сабаби, фуқаро муаммоси қай даражада ҳал этилди, бу ҳақда мисоллар билан батафсил изоҳ бермаганлиги боис шундай фикрга келишимиз табиий. Акс ҳолда бу видеомурожаатнинг фейсбукда жойлаштирилишидан қандай мақсад кўзланганлигини тушуниш қийин. Қолаверса, ўтган галгисидан фарқли ўлароқ, бу галги видеомурожаатида у гапиришга ундалганлигини ҳам пайқаш қийин эмас.
Ҳақиқатга эса тез орада журналистлар ёрдамида аниқлик киритилади.
Хусусан, видеомурожаат остида ижтимоий тармоқ фойдаланувчиларининг ёзиб қолдираётган изоҳлари ҳам бизнинг эътиборимиздан четда қолмади.
Комил Ака Односторонее видео, видно что заставили
Azamat Xodjakov Baribir oxirida o zi aybdor bo lib chiqibdi-da
Дилшодбек Кудратов Ээээ қўйсаларингчи энди нима кераги бориди шу нарсани,тушунтириш хати, ташаккурнома,бунақа видеолар билан обрў топиб бўлмайди,хақиқий халқни дарди билан яшайдиган рахбарни қилаётган ишларига халқ ўзи бахо беради
Muallima Xonim Nilufar Mamadiyeva Odamlar kimni oqlabsizlar qiynalgan hamma o zini osayversa yoqayversa o ldirayversa bu axmoqlik.Musulmon odamni gapi ham ishi ham emas bu ish hatto xayol ham surush gunoh. Bu odam zaifa emas erkak.Olloh bergan jonni Olloh oladi odam o zini o zini o ldirishga urunishni oqlab bo lmaydi.Yosh bola emas kab katta odam uyalinge suf sizga.Ayol bo lsangiz ham ojiza aqlli kalta zaifa degan vajlar bilan oqlashga harakat qilarmidik.Undan ko ra go girtga ketgan qo lingizni duoga ochib barcha narsaga qodir zot Ollohdan rizq barokat so rsng edi. Istig for ayting edi. Mulk surasini oqing edi. Olloh barcha muommolaringizni yechimini berar edi.Siz erkaksiz oila qorg oni millatning or nomusi uylab ish qilish ketak sabr matonat sizga xos.Olloh yigit kishini rizqinini keng mo l qilib qo yadi barokati bilan beradi. Ollohdan so rang bundan keyin bunaqa qilmang iltimos sizga yarashmaydi
Азамат Имамджанов Vohliro bir og iz hokimiyatga borib murojat qisala ishlari bitarkan bula vohma qilib uzlarini uzlari yoqib yuriptila
Анвар Усманов Нима кераги бор бунака видеолани хамма курбулдику. Нима буганини.
Анвар Усманов Один каттеди Хокимиз????
Шахина Саломова создайте дни встреч-приёма с народом и такого надеюсь больше не повториться...я по моему лично вам уже писала,надо быть поближе к народу
Zokir Juraev Xm ishonish qiyin
