Ўзбекистонда никоҳдан ўтишни мураккаблаштириш йўли ўйлаб топилди. Нега?
Ўзбекистонда турмуш қуриш жараёни тақдим этилган аризани рўйхатга олиш идораси томонидан узоқроқ текширилиши билан мураккаблашиши мумкин. Хусусан, ушбу муддатни бир ойдан уч ойгача ошириш ва шу билан эр-хотинга бир-бирларини яхшироқ билиш имкониятини бериш таклиф этилди.
ЎзA хабарига кўра, бундай ташаббус Жиноят ишлари бўйича Юнусобод туман суди, фуқаролик ишлари бўйича Мирзо-Улуғбек минтақалараро суди, шунингдек, Тошкент туманлараро маъмурий ва иқтисодий судлари фаолияти таҳлилидан сўнг эълон қилинди.
2020 йилда фуқаролик ишлари бўйича Мирзо Улуғбек туманлараро судида 11 276 та иш кўриб чиқилди. Уларнинг 7393 таси шартномалар бўйича низоларга, 1485 таси ажралиш масалаларига тегишли. Қолганлари меҳнат, мулк ҳуқуқи ва бошқа масалаларга алоқадор.
Aжралишнинг асосий сабабларидан бири бу аксарият ёшларнинг оила қуришга тайёр эмаслигидир, дейилади хабарда. Aжралиш коэффициентларини камайтириш ва оилалар мустаҳкамлигини таъминлаш учун турмуш қурганларга кўпроқ эътибор қаратиш лозим.
Тадбирда никоҳ жараёнини мураккаблаштириш зарурлиги тўғрисида таклиф берилди. Шундай қилиб, бугун сиз рўйхатга олиш идорасига ариза топширгандан кейин бир ой ўтгач, турмуш қуришингиз мумкин. Ушбу муддатни уч ойга ошириш ва шу билан эр-хотинга бир-бирларини яхшироқ билиш имкониятини бериш таклиф этилди.
