Ўзбекистонда аномал совуқ яна қанча давом этади?

Мамлакатимиз ҳудудида охирги 10 кундаги совуқ об-ҳавони Сибир ҳудудларидаги совуқ антициклон периферияси белгилаб турибди. Бунда жуда юқори босимли майдон аномал совуқ ҳавони олиб келди.

"Kun.uz"нинг Ўзгидромет прогнозларига таяниб ёзишича, 9–12 январ кунлари республикамизда ҳаво-ҳарорати аста-секин кўтарилади. Бунда кечаси 2 даража совуқдан 3 даража илиққача, кундузлари эса 5–10 даража илиққача кўтарилиб боради.

Бизда ҳозирги кунда кузатилаётган даражадаги совуқлар охирги 10 йилда қайд этилмаган. Яъни ҳозиргидай давомли, қор парчалари кристаллашган, булдуруқли ҳаво кузатилмаган. Шунинг учун ҳам бу аномал совуқ ҳисобланади.