Ўзбекистон президенти Сербияга жўнаб кетди

Шавкат Мирзиёев Сербия президенти Александр Вучичнинг таклифига биноан 7 сентябрь куни расмий ташриф билан ушбу мамлакатга жўнаб кетди. Президент матбуот хизматининг хабар қилишича, Белград шаҳрига ташриф доирасида олий даражадаги музокаралар ҳамда икки мамлакат расмийлари ва ишбилармон доиралари вакиллари иштирокида бизнес форуми ўтказилиши режалаштирилган. Ўзбекистон–Сербия кўп қиррали ҳамкорлигини янада мустаҳкамлашнинг долзарб масалалари кўриб чиқилади. Саммит якунлари бўйича салмоқли ҳужжатлар тўпламини қабул қилиш режалаштирилган.