Ўзбекистон миллий терма жамоаси Осиё кубоги-2023 йўлланмасини қўлга киритди

Саралаш босқичи регламентига кўра, олтита гуруҳда биринчи ўринни қўлга киритган жамоалар ва энг яхши бешта иккинчи ўрин эгаси мусобақага йўлланмани қўлга киритади.

4 очкога эга Филиппин B гуруҳидаги сўнгги тур ўйинида Фаластинга ютқазиб қўйди (0:4). Шу тариқа бу гуруҳдаги энг яхши иккинчи ўрин эгаси максимум 4 очко билан кифояланадиган бўлди.

Бундан келиб чиқадики, олти очко тўплаган барча иккинчи ўрин эгалари, шу жумладан, C гуруҳидаги Ўзбекистон ва Таиланд терма жамоалари Осиё кубогига йўл олади.

Бугун бўлиб ўтадиган Ўзбекистон ва Таиланд терма жамоалари ўйини шунчаки расмиятчилик хусусиятига эга бўлади.

Шунингдек, бошқа гуруҳдаги Қирғизистон ва Тожикистон ҳам Осиё кубогига йўл олишган.

"Оқ бўриларга" омад тилаб қоламиз!