Ўзбекистон ҳамда Нидерландия терма жамоалари ўртасидаги ҳал қилувчи баҳсга старт берилди

Барча ўзбекистонликлар ва дунёдаги яна миллионлаб шахмат мухлислари йигитларимизни қўллаб-қувватлаб, мухлислик қилишмоқда.

Ўйинни мана бу саҳифа ( https://chess24.com/en/watch/live-tournaments/olympiad-chennai-2022-open/11/3/1 ) орқали онлайн кузатиб боришингиз мумкин.

Қизиқ фактлар:

— Нодирбек Абдусатторов Аниш Гири билан жорий йил февраль ойидаги Airthings Masters турнирида дуранг ўйнаганди ( https://chess24.com/en/watch/live-tournaments/meltwater-champions-chess-tour-airthings-masters-2022-prelims/1/1/2 ). Ўтган йилги FIDE Жаҳон кубогида эса 4 та ўйинда 3:1 ҳисобида Аниш Гирини мағлуб этганди ( https://chess24.com/en/watch/live-tournaments/sochi-fide-world-cup-2021/3/16/4 ).

— Нодирбек Якуббоев ҳамда унинг рақиби Йорден Ван Форест турнирда тўлиқ 10 та партия ўйнаб, ҳали бирор марта мағлуб бўлмаган 6 нафар шахматчилар сафида бор. Яъни иккаласи ҳам 10 та ўйинда умуман ютқазмади.

— Жавоҳир Синдоров ва унинг рақиби Бенжамин Бок турнирда бир хил натижа кўрсатган: 9 имкониятдан 6 очко. Тенг кучли рақиблар.

— Жаҳонгир Воҳидовга ҳам кўз тегмасин, ҳали бирор марта мағлуб бўлмади. 7 имкониятдан 5,5 очко.