Ўзбекистон — Аргентина ўйини ўтказилмайди — ОАВ
Аргентина терма жамоасининг Хитойда ўтказилиши кутилаётган ўртоқлик учрашувлари бекор қилинди. Терма жамоанинг сентябрь-октябрь ойларидаги ФИФА кунлари доирасидаги бўлажак ўртоқлик учрашувлари юзасидан тарқалган миш-мишларга аниқлик киритилди. Мамлакат футбол федерацияси ижтимоий тармоқлардаги саҳифасида қуйидагича баёнот берди:
“Душанба куни АФА Лионел Скалони жамоасининг сентябрь ва октябрь ойларидаги ФИФА кунларида ўтказадиган ўртоқлик учрашувларини эълон қилади”.
21-сентябрдан 6-октябргача бўлиб ўтиши режалаштирилган ушбу йиғин доирасида Аргентина терма жамоаси икки ёки учта учрашув ўтказиши кутилмоқда. Журналист Эстебан Эдулнинг маълум қилишича, ўйинлар Кордова шаҳрида ва “Ривер Плейт” клубига қарашли “Монументал” стадионида бўлиб ўтиши мумкин.
Учрашувлар эълон қилинишининг кечикишига АФАнинг ФИФА жавобини кутаётгани сабаб бўлган. Аргентина футбол федерацияси мазкур баҳслар А тоифасидаги халқаро учрашувлар сифатида тан олиниши ёки олинмаслиги масаласига аниқлик киритишни кутмоқда.
Бу масала айниқса Жаҳон чемпионати финалидаги воқеалар ортидан жазоланган футболчилар учун муҳим. Чунки А тоифасидаги