Усик: "Болаларимдан ҳеч бири отам жаҳон чемпиони деб мақтанмайди"

Усик: "Болаларимдан ҳеч бири отам жаҳон чемпиони деб мақтанмайди"

Украиналик чемпионлик жангида ғалаба қозониб, ўз оиласига қайтди.

WBА, WBО, IBО ва IBF йўналишларининг янги чемпиони Александр Усик Энтони Жошуани мағлубиятга учратиб, одатдагидек оиласи бағрига қайтди. Украиналик ўқув-машғулот йиғини тугаганидан хурсанд ва энди у ўз оиласи билан кўпроқ вақт ўтказиши мумкин. Усик ва унинг рафиқаси Кетрин уч фарзандни тарбиялаяпти.

"Ўғлим Михаил энди мактабга боришга тайёр, чунки мен ниҳоят уйга қайтдим ва уни ўзим мактабга олиб бордим. Лекин билсам, болаларимдан ҳеч бири отаси жаҳон чемпиони деб мақтанмайди. Очиғини айтганда, мен бундан хурсандман", - дея Усикдан иқтибос келтиради Тhe Sun.

Усик, шунингдек, Жошуанинг охирги жангдаги тактикаси ҳақида ўз фикрини билдирди. Кўпгина экспертлар АJни пассив жанг услуби учун танқид қилишди. Лекин украиналик Жошуа ёмон тактика танлаган деб ўйламайди.

"Менимча, у "энергияни тежаш" режимида, ҳакамлар ёрдамидан ёки уй аренаси қўллаб-қувватлашидан умид қилиб бокс тушди. Ўз жамоасининг жангни нокаут билан тугатишни истамаслигининг сабаблари кўп. Сиз шуни тушунишингиз керакки, боксчи нокаутга жуда кўп эътибор қаратса, у ҳушёрликни йўқотади", - деди Усик.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!