Ургутдаги ёнғинда бир оиланинг 5 аъзоси ҳалок бўлди

Ургутдаги ёнғинда бир оиланинг 5 аъзоси ҳалок бўлди

2019 йилнинг 22 февраль куни 02:01 да Самарқанд вилояти Ургут тумани Дўстлик маҳалласи Янгиариқ кўчасидаги 89-уйда ёнғин содир бўлаётганлиги ҳақида Ургут тумани Ёнғин хавфсизлиги бўлимининг диспетчерлик хизматига хабар келиб тушган, деб ёзади Zarnews.

Воқеа жойига зудликда олтита асосий ва битта махсус ёнғин ўчириш экипажи жалб этилган. Ёнғин ўчириш бўлинмалари ёнғин жойига 02:09 да етиб борган вақтда уй очиқ аланга билан ёнаётганлиги маълум бўлган. Кўрилган тезкор ҳаракатлар натижасида ёнғин 02:22 да қуршаб олиниб, 03:48 да бартараф этилган. Ёнғин оқибатида 89-уйнинг 150 квадрат метр майдонда томи, шифти ва уй жиҳозлари ҳамда қўшни 102-уйнинг 15 квадрат метр майдонда том қисми ёниб зарарланган.

Ёнғинни бартараф этиш жараёнида 89-уй эгаси 1954 йилда туғилган З.У., рафиқаси 1956- йилда туғилган М.Р., қизи 1992 йилда туғилган З.У., набиралари 2011 йилда туғилган Х.М. ва 2013 йилда туғилган Н.М. ёнғин ўчирувчилар томонидан қутқарилган. Шулардан, 2013 йилда туғилган Н.М. куйиш тан жароҳати билан туман марказий шифохонасига олиб кетилган, аҳволи қониқарли.

Ёнғинни ўчириш вақтида 89-уй эгасининг фарзандлари 1980 йилда туғилган Х.У., 1986 йилда туғилган О.У., келини 1993 йилда туғилган Ш.Э., набиралари 2013 йилда туғилган Ш.З. ва 2018 йилда туғилган Ш.З.нинг куйган ҳолдаги жасадлари топилган.

Ёнғин ҳолати юзасидан терговга қадар текширув олиб борилмоқда. Ёнғин сабаби ва моддий зарар миқдори аниқланмоқда.

Manba: daryo. uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!