Ўқувчи қизлар TikTok учун бутун бир фермани ёқиб юборди
TikTok учун видео суратга олиш пайтида, икки ўқувчи қиз Перм ўлкасидаги фермани ёқиб юборишди. Бу ҳақда ИИВ вилоят Бош бошқармаси матбуот хизмати хабар берди.
Маълумотларига кўра, икки ўқувчи қиз фермер хўжалигига йўл олишган, у ерда 195 тоннадан ортиқ ҳажмдаги сомон уюмларини топишган. Улар TikTok ижтимоий тармоғи учун видео тайёрлашда қуруқ ўтдан фойдаланишга қарор қилишди. Қизлар йиғилган сомонга ўт қўйиб, нима бўлаётганини видеога олдилар. Кейин эса оловни ўчира бошладилар. Аммо олов кучайиб кетди. Мактаб ўқувчилари уни ўчира олмадилар ва қочиб кетдилар. Кейинчалик ёнғин ўт ўчирувчилар томонидан ўчирилди. Шу билан бирга, ферманинг 150 минг рубл миқдоридаги мол-мулки ёниб кетди.
Ёнғиннинг сабабчилари туман милицияси ходими томонидан аниқланган. Ҳуқуқни муҳофаза қилиш органлари ходимлари қизларнинг ота-оналари билан тушунтириш суҳбати ўтказдилар.
Ўз навбатида фермер хўжалиги эгаси судга мурожаат қилиш ва ота-оналаридан етказилган зарарни ундириш ҳуқуқига эга.