“Универсиада-2019”нинг илк медаллар шодаси эгаларига топширилди

13 апрель куни Универсиада-2019 спорт мусобақаларининг Тошкент шаҳар босқичига старт берилди. Шу куни спортнинг Енгил атлетика тури бўйича бўлиб ўтган мусобақаларда Низомий номидаги Тошкент давлат педагогика университети талабалари иштирок этиб, фахрли ўринларни эгаллади.

Енгил атлетиканинг югуриш, ядро итқитиш, баландликка сакраш, эстафета югуриш, узунликка сакраш, баландликка сакраш каби турларида университет жамоаси умумий ҳисобда 13та олтин, 5та кумуш ва 5та бронза медалларини қўлга киритди.

Шу муносабат билан 15 апрель куни Тошкент давлат педагогика университетида Универсиада-2019 спорт мусобақаларининг илк ғолибларини табриклашга бағишланган маросим ташкил этилди. Тадбирда университет ректори Ш.С.Шарипов сўзга чиқиб, спортчи талабаларни ғалаба билан қутлади ҳамда уларга мусобақаларнинг республика босқичида омад ёр бўлишини тилади.