"Ўлим шифокори": бўлим бошлиғи коронавирусга чалинган беморларни атайин ўлдиргани маълум бўлди
Италияда Монтикьяри касалхонасининг шошилинч тиббий ёрдам бўлими бошлиғи Карло Моска ҳибсга олинди. У коронавирусга чалинган беморларга атайин ўлимга сабаб бўладиган дорилар берган ва ўлим сабабини усталик билан яширган. Бу ҳақда «КП» нашри ёзмоқда.
Нашр Москани "Ўлим доктори" деб атади. Манбанинг ёзишича, полиция ўтган йилнинг ёзида Италияда коронавирус билан боғлиқ вазият бироз пасайганида шифокорнинг шубҳали хатти-ҳаракатлари тўғрисида маълумот олган. Шифокорнинг ҳамширалардан коронавирусни даволаш протоколида кўзда тутилмаган кучли дори-дармонларни олиб келишни тез-тез талаб қилаётгани ғалати туйилган. Шунингдек, Карло оғир аҳволдаги беморлар билан ёлғиз қолишни илтимос қилган. Шундан сўнг, иккита бемор дорининг салбий таъсири туфайли вафот этган. Кейинчалик яна тўртта бемор ҳаётдан кўз юмган.
Ҳуқуқ-тартибот идоралари ходимлари шифокорнинг нега бу хатти-ҳаракатларни содир этгани сабабларини аниқлашга ҳаракат қилмоқда. Полиция маълумотларига кўра, Моска бошқа беморлар учун кўрпа-тўшаклар орттириш ва тиббиёт ходимларига босимни ҳеч бўлмаганда юмшатиш учун даво топишига кўзи етмаган беморлардан қутулишга қарор қилган.
Шифокорнинг ўзи барча айбловларни рад этмоқда.
