Украинада бир кунда 93 та одам коронавирусга чалинди
Украина Соғлиқни сақлаш вазирлигининг маълум қилишича, мамлакатда CОВИД-19 коронавируси билан касалланганларнинг умумий сони 311 кишини ташкил этган, саккизта бемор вафот этган.
Ивано-Франковск вилоятида уч киши ҳалок бўлди. Житомир, Ривне, Суми, Чернивци ва Тернопил вилоятларида биттадан ўлим қайд этилди.
Мамлакат соғлиқни сақлаш марказининг маълумотларига кўра, охирги суткада 93 та коронавирус билан касалланиш қайд этилди.
Таъкидланишича, беш нафар бемор, шу жумладан битта бола соғайиб кетган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
