Украина деярли икки миллион тонна дон экспорт қилди, аммо бу АҚШ учун етарли эмас

АҚШ ва Европа Иттифоқи май ойида Украинага 1,7 миллион тонна дон экспорт қилишда ёрдам берди, деди Давлат департаменти матбуот котиби Нед Прайс.

АҚШ расмийларига кўра, оптимал сценарийда Украина ойига уч миллион тонна дон етказиб бера олади - тинчлик давридаги ҳажмнинг ярми.

12 июнь куни Украина ҳукумати мамлакатда гўёки 22 миллион тонна ғалла борлигини, улар Польша, Руминия ва Болтиқ денгизи орқали янги йўналишлар бўйлаб экспорт қилинишини маълум қилди.

Келгуси ҳафта Европарламент депутатлари делегацияси Полша ва Украина ўртасидаги чегарага ташриф буюриб, Украина донини экспорт қилиш жараёнини кўздан кечириш ниятида.