Уиткофф ва Кушнер Зеленский билан музокаралардан сўнг Киевни тарк этди
АҚШ президентининг махсус элчиси Стив Уиткофф ва Америка етакчисининг куёви Жаред Кушнер Украина етакчиси Владимир Зеленский билан Россия-Украина можаросини тугатиш бўйича музокаралардан сўнг Киевни тарк этишди.
Бу ҳақда Украина темир йўллари ўзининг Телеграм-каналида эълон қилди.
"Биз Стив Уиткофф ва Жаред Кушнернинг махсус поездини кузатиб қўйдик", дейилади компания баёнотида.
РБК-Украина хабарига кўра, бир неча босқичли музокаралар ва якуний матбуот анжуманидан сўнг Зеленский Америка элчилари билан алоҳида учрашув ўтказди.
Якка учрашув тафсилотлари ошкор қилинмади.