Уфада вирусни таг-туги билан йўқ қиладиган дори ўйлаб топишгани ростми?

Айни дақиқаларда АОКА ҳузуридаги штабда Вазирлар Маҳкамаси ҳузуридаги санитария-эпидемиология назорати давлат инспекцияси бошлиғи Нурмат Отабеков иштирокида брифинг ўтказилмоқда.

❓Уфада “Агро Кимё” ташкилоти барча вирусни таг-туги билан йўқ қилиб юборадиган дори воситасини ўйлаб топишибди, иш берса, барча хонадонларга ва идораларга сепиларкан ва 15 кунда барча жой вирусдан тоза худудга айланаркан. Ижтимоий тармоқлардаги бу хабар қанчалик ишончли?

❗️Бу янгилик эмас, вирусларга ва бактерияларга қарши самарали ишлатиш мумкин бўлган воситалар юзлаб ва минглаб бўлиши мумкин. Гап унинг номи, тури, қаерда ишлаб чиқарилганида эмас, балки, уни тўғри, сифатли ва мақсадга мувофиқ ишлатиш зарур.