Учтепа туманида ёнғин содир бўлди
Бугун, 19-февраль куни соат 14.34 да 101 рақамига Учтепа тумани, Нашриёт кўчасидаги турар-жойда ёнғин содир бўлгани ҳақида хабар келиб тушди. Ёнғин хавфсизлиги хизмати ходимлари томонидан кўрилган тезкор чоралар натижасида ёнғин бартараф этилди. Бу ҳақда Тошкент шаҳар ИИББ матбуот хизмати хабар тарқатди.
Натижада 99 б сонли уйнинг том қисмларининг 110 кв.м. майдони ва 99 в сонли уйнинг том қисмининг 90 кв.м. майдони ёнган. Ёнғиннинг сабаби ва етган зарар қиймати аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
