«У ёш болаларни зўрламаган»: Майкл Жексоннинг оиласи телеканал билан судлашмоқчи
NBO телеканали март ойининг бошларида, кичик ёшлиларни алдашда айбланган шахснинг янги айбловлари ҳақида фильм намойиш этишни режалаштирмоқда.
Таниқли қўшиқчи Майкл Жексоннинг оиласи NBOдан 100 миллион доллар талаб қилди. Бунга телеканалнинг март ойида Неверландни тарк этиш ҳужжатли фильмини намойиш этишга қарор қилгани сабаб бўлмоқда. Фильмда марҳум поп юлдузининг ёш болаларнинг номусига теккани ҳикоя қилинади. Бу ҳақда ТАСС нашри хабар бермоқда.
Жексонлар оиласининг даъвоси аллақачон Лос-Анжелес (Калифорния) Олий судига топширилди. Қўшиқчининг оиласи телеканални шартнома шартларини бузишни истагида эканликда айбламоқда (1992 йилда канал билан шартнома имзоланган эди). Шартномага кўра, телеканал 2009 йилда вафот этган хонанданинг шаъни ва қадр-қимматини ҳақорат қилмаслиги керак.
Жексонлар оиласи 10 йилдан ошиқ вақт мобайнида содир этилган бундай айбловларни чуқур ўрганиб чиқди ва қўшиқчининг айбсиз эканлигига ишонч ҳосил қилди. Шу нуқтаи назардан, даъвогарларга кўра, NBO тарқатишни мўлжаллаган маълумотлар ёлғондир.
