Туркманистонда ўзбекистонлик эркак фалокатга йўлиқди
Туркманистонда 25 июнь куни ҳимояланмаган темир йўл ўтиш жойида юк автомобили поезд билан тўқнашиб кетиши оқибатида ҳайдовчи, Ўзбекистон фуқароси Р.А. жароҳатланган. У Аҳал вилояти Бозмейин шифохонасига жойлаштирилган.
Ташқи ишлар вазирилиги матбуот хизмати хабарига кўра, унинг ҳолати қониқарли деб баҳоланмоқда.
Ҳозирги пайтда ҳодисанинг барча тафсилотларини аниқлаш ҳамда жароҳатланган ҳамюртимизга зарур гуманитар ва консуллик-ҳуқуқий ёрдам кўрсатиш учун элчихона ходимларини касалхонага юборишни режалаштирмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
