Туркманистонда ўқитувчилар дарсни Сердар Бердимуҳамедовнинг "ҳаёт йўли" ва “ютуқлари” билан бошламоқда

Туркманистонда ўқитувчилар дарс давомида ўқувчиларга президент ўғли Сердар Бердимуҳамедов(Туркманистон Президентлигига номзод)нинг «ҳаёт йўли» ва “ютуғлари” ҳақида гапириб беришмоқда.

Бу ҳақда 12 февраль куни туман таълим бўлимларига чақирилган умумтаълим мактаблари директорларига маълум қилинган.

Ўқитувчиларга 14 февраль, душанба куни биринчи дарсни Гурбангули Бердимуҳамедовнинг «яхши ишлари ва эришган ютуқлари», шунингдек, болалар ундан миннатдор бўлиши кераклиги ҳақидаги ҳикоядан бошлаш топширилган.

Ундан кейин эса ўқувчиларга Сердар Бердимуҳамедов ҳақида гапириб беришлари керак бўлган.