Туркманистонда «тўнғиз йили»ни кутиб олиш тақиқланди

Туркманистон ҳукумати келаётган 2019 йилни Хитой тақвимига кўра «тўнғиз йили» деб номлашни тақиқлади, дея хабар бермоқда ansar.ru нашри.

Туркманистонда нашр қилинган календарларда унинг тасвири туширилмаган ва тўнғиз кўринишидаги ўйинчоқлар ҳам сотувда мавжуд эмас.

Ушбу ҳолатнинг расмий сабаблари ҳақида аниқ хабар берилмади, лекин бу ҳолатга тўнғизнинг Ислом динида «ҳаром қилинганлиги» сабаб бўлиши мумкин.

Хитой анъаналарига кўра, вақт 12 та айланага бўлинади ва ҳар бир йил бир ҳайвонга мос келади. Ҳар бир йилни бир ҳайвонга боғлаш ғоясини ХХ асрда Европа оммавий маданияти томонидан соддалаштирилган.

Manba: azon.uz