Туркманистонда қизилмиядан коронавирусга қарши дори яратилади

Туркманистонда қизилмиядан коронавирусга қарши дори яратилади

Тез орада Туркманистонда янги дори — қизилмия илдизи экстрактидан тайёрланган таблеткалар пайдо бўлади. Доривор ўсимликдан янги турдаги дори-дармон ишлаб чиқаришни "Туркмендермансенагат" уюшмасининг "Саглик" маҳаллий фармацевтика компанияси йўлга қўйди, деб ёзади "Туркманистон" газетаси.

Қизилмия илдизи С витамини ва эфир мойларига бой. Ундан асосан юқори нафас йўллари касалликларида юмшатувчи, яллиғланишга қарши восита сифатида фойдаланиш тавсия этилади.

Бундан ташқари, илдиз таркибида ширин таъм берадиган глицирризин кислотаси мавжуд, шунинг учун у шакарга қараганда 40% ширинроқ. Қандли диабет билан оғриган беморлар учун тиббий овқатланишда кенг қўлланилади. Бу кислота ҳам антивирал таъсирга эга.

Туркманистонда қизилмия қайта ишланадиган Буян деб номланган бутун агросаноат мажмуаси ишлайди. Корхона қизилмия илдизидан фойдали моддалар билан чой, экстракт, балзам, капсула тайёрлайди.

Туркманистонда қизилмия, Президент Гурбангули Бердимуҳамедовнинг сўзларига кўра, коронавирус инфекциясининг янги турига қарши курашда ёрдам бериши мумкин. Ўтган йилнинг декабрь ойида давлат раҳбари Туркманистон Фанлар академияси раҳбарига ва Соғлиқни сақлаш ва тиббиёт саноати вазирига бу соҳада тадқиқотлар олиб боришни топширганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!