Туркиядаги тунги клубда калтакланганини айтган модель даъвосини қайтариб олди
Машҳур украиналик топ-модел Туркиянинг тунги клубига қарши шу йил август ойида берган даъвосини қайтариб олди. Модел томонидан илгари сурилган айбловлар халқаро резонансга сабаб бўлди.
Эслатиб ўтамиз, Дарья унга ва унинг дўстларига Туркиядаги тунги клуб қўриқчилари ҳужум қилганини айтганди.
«Мен нима бўлганлиги ҳақида жим туришни хоҳламайман. Бизга шафқатсизларча ҳужум қилишди. Тўрт қиз, шу жумладан менинг ҳам юзимга қаттиқ зарба беришган. Биз аллақачон полиция билан боғланиб, калтакланганларни видеога олганмиз", – деб ёзганди Дарья инстаграмдаги саҳифасида.
Вазият синчковлик билан ўрганиб чиқилганидан сўнг қиз меҳмонхона хавфсизлиги билан эмас, балки туркиялик севгилиси билан зиддиятга эгалиги аниқланди. Клуб соқчиларининг моделга ҳужуми ҳали исботланмаган.
Ўтган жума куни Дария ишни ёпишни бошлади ва клуб қўриқчиларига қўйилган айбловларни бекор қилди.
