Туркияда ўзбекистонлик аёлларни фоҳишаликка мажбурлаб келган наманганлик аёл қўлга олинди

Туркияда ўзбекистонлик аёлларни фоҳишаликка мажбурлаб келган наманганлик аёл қўлга олинди

Бугунги кунда ҳуқуқни муҳофаза қилувчи идоралар томонидан одам савдосига қарши курашиш борасида қатъий чора-тадбирлар амалга оширилмоқда.

Хусусан, ДХХ Наманган вилояти бошқармаси ҳамда вилоят ИИБ ходимлари ҳамкорлигида ўтказилган тезкор тадбирда Андижон вилояти Хўжаобод туманида жойлашган “Дўстлик” халқаро назорат ўтказиш масканида Наманган шаҳрида яшовчи аёл Н.Н. ўзининг 2 нафар танишини Туркия давлатига фоҳишалик қилиш мақсадида олиб кетаётган вақтида ушланди.

Аниқланишича, 1987 й.т. Н.Н. жорий йилнинг март ойида Туркия давлатидан доимий яшаш манзилига қайтиб келгач, 1990 ва 1993 й.т. икки нафар таниш аёлларини Истанбул шаҳрида фоҳишалик билан шуғулланиб, мўмай пул топишга қизиқтиради.

Сўнгра Туркияга Қирғизистон орқали кетишларини айтиб, уларга ўз ҳисобидан Бишкек-Истанбул авиарейсига чипталар харид қилади, шунингдек, виза ҳамда чет элга чиқиш паспортлари учун тўловларни ҳам амалга оширади.

Бу билан уларни ўзига моддий жиҳатдан қарам қилиб, манзилга етиб борганларидан кейин бир ой давомида фоҳишалик қилиш орқали сарфланган йўл харажатларини қоплашларини ҳамда ҳар ойда ишлаб топган пулларининг 30 фоизини беришларини талаб қилади.

Таъкидлаш лозимки, Н.Н. Туркияда бўлган даврида Ўзбекистондан олиб борилган аёлларни фоҳишалик билан шуғулланишга мажбурлаб келган.

Ҳозирда Н.Н.га нисбатан Жиноят Кодексининг 135-моддаси билан жиноят иши қўзғатилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!